પંચમહાલ જિલ્લાના ગોધરા-અમદાવાદ હાઇવે પર ટુવા ગામ પાસે એક કાળજું કંપાવી દેનારો માર્ગ અકસ્માત સર્જાયો છે, જેમાં એક વ્યક્તિનું ઘટનાસ્થળે જ કમકમાટીભર્યું મોત નીપજ્યું છે જ્યારે અન્ય એક વ્યક્તિ ગંભીર રીતે ઈજાગ્રસ્ત થઈ છે. હાઇવે ક્રોસ કરી રહેલા એક બાઇક ચાલકને પૂરપાટ ઝડપે આવી રહેલી બસે જોરદાર અડફેટે લેતા આ દુર્ઘટના સર્જાઈ હતી. અકસ્માતના આ ભયાનક દ્રશ્યો નજીકમાં લાગેલા CCTV કેમેરામાં કેદ થયા છે, જ્યારે ઘટનાને પગલે સ્થાનિક પોલીસે દોડી આવીને ઈજાગ્રસ્તને સારવાર અર્થે હોસ્પિટલ ખસેડી આગળની કાયદેસરની કાર્યવાહી હાથ ધરી છે.