(અશ્વિન વ્યાસ દ્વારા) ગાંધીનગર:મુખ્યમંત્રી ભુપેન્દ્રભાઈ પટેલે પવિત્ર સંવત્સરી પર્વ પ્રસંગે સમગ્ર રાજ્યના જૈન અને જૈનેતર નાગરિક ભાઈ-બહેનોને ભાવભર્યા ‘મિચ્છામી દુક્કડમ’ પાઠવ્યા છે.

મુખ્યમંત્રીએ પર્યુષણ મહાપર્વને ક્ષમાપના અને ઉપકાર સ્મરણનું શ્રેષ્ઠ પર્વ ગણાવતાં જણાવ્યું છે કે, મન, વચન અને કર્મથી જાણે-અજાણે થયેલી ભૂલોની ક્ષમા-યાચના કરવાનું આ પવિત્ર પર્વ છે.

વધુમાં તેમણે શ્રદ્ધા વ્યક્ત કરી હતી કે, ભગવાન મહાવીરના ક્ષમા, સંતોષ, સરળતા, વિનમ્રતા તેમજ કરૂણા અને જીવદયાના સિદ્ધાંતોને સમાજ જીવનમાં આત્મસાત કરનારૂં આ પર્યૂષણ પર્વ સમગ્ર સામાજિક સમરસતા અને માનવતાની શક્તિઓને વધુ પ્રગાઢ તથા મજબૂત બનાવશે.