વડાપ્રધાન નરેન્દ્રભાઈ  મોદીના આગામી અંબાજી પ્રવાસને ધ્યાનમાં રાખીને સુરક્ષા વ્યવસ્થાના ભાગરૂપે બનાસકાંઠા જિલ્લા કલેક્ટર દ્વારા એક મહત્વપૂર્ણ જાહેરનામું પ્રસિદ્ધ કરવામાં આવ્યું છે. આ જાહેરનામા મુજબ, આજથી આગામી ૧૪ નવેમ્બર સુધી અંબાજી તેમજ ચીખલા હેલિપેડ સહિતના આસપાસના વિસ્તારોને 'નો ફ્લાય ઝોન' (No Fly Zone) જાહેર કરવામાં આવ્યા છે. આ સમયગાળા દરમિયાન સુરક્ષાના કારણોસર આ વિસ્તારોમાં ડ્રોન, રિમોટ કંટ્રોલ માઈક્રોલાઈટ એરક્રાફ્ટ કે અન્ય કોઈપણ પ્રકારના ઉડ્ડયન સાધનો ઉડાડવા પર સંપૂર્ણ પ્રતિબંધ ફરમાવવામાં આવ્યો છે, તેમજ આ જાહેરનામાનો ભંગ કરનાર કોઈપણ વ્યક્તિ સામે કડક કાયદેસરની કાર્યવાહી કરવામાં આવશે તેવી ચેતવણી પણ તંત્ર દ્વારા આપવામાં આવી છે.