અમદાવાદ;અમદાવાદના નિકોલ વિસ્તારમાં આવેલી દેવસ્ય ઇન્ટરનેશનલ સ્કૂલ પાસે સોમવારે(2 નવેમ્બર)ની રાત્રે ગમખ્વાર અકસ્માત સર્જાયો છે. જેમાં બેકાબૂ કારચાલકે રસ્તાની બાજુમાં બેઠેલા પાથરણાવાળાને અડફેટે લેતા મોટી દુર્ઘટના ઘટી છે. આ બનાવમાં બે લોકો ગંભીર રીતે ઈજાગ્રસ્ત થયા છે. જ્યારે 1 વ્યક્તિનું મોત નીપજ્યું છે.

 અકસ્માતની ઘટનાને પગલે ઘટનાસ્થળે સ્થાનિકોનું ટોળું એકઠું થઈ ગયું હતુ. જેમાં તપાસ કરતા કારમાંથી બિયરની બોટલો પણ મળી આવી છે. આ ગંભીર બનાવની જાણ થતાં ટ્રાફિક પોલીસનો કાફલો તાત્કાલિક સ્થળ પર પહોંચી ગયો હતો અને પરિસ્થિતિને કાબૂમાં લઈ વધુ તપાસ હાથ ધરી છે.