વડોદરામાં ગુરુકુળ ચાર રસ્તાથી વાઘોડિયા તરફ જતા માર્ગ પર બેફામ કાર ચાલકે ગંભીર અકસ્માત સર્જ્યો હતો. કાર ચાલકે એક્ટિવા પર સવાર માતા-પુત્રીને અડફેટે લેતા માતાને ગંભીર ઈજા પહોંચી હતી. ઈજાગ્રસ્ત મહિલાને સારવાર માટે ખાનગી હોસ્પિટલમાં ખસેડવામાં આવી છે. અકસ્માત બાદ કાર ચાલક ફરાર થઈ ગયો હતો. સ્થાનિકોએ કાર ચાલક નશાની હાલતમાં હોવાની આશંકા વ્યક્ત કરી છે. સમગ્ર મામલે પોલીસે ફરાર કાર ચાલકને ઝડપી પાડવા તજવીજ હાથ ધરી છે.