મહેસાણા જિલ્લા પોલીસ પ્રશાસન દ્વારા વહીવટી પ્રક્રિયાને વેગ આપવા અને કાયદો-વ્યવસ્થાની સ્થિતિ વધુ મજબૂત કરવાના હેતુથી એક મોટો નિર્ણય લેવામાં આવ્યો છે. મહેસાણા જિલ્લા પોલીસ વડા દ્વારા એકસાથે મોટા પાયે બદલીના ગંજીપો ચીપવામાં આવ્યો છે. આ આદેશ જાહેર થતાં જ સમગ્ર જિલ્લાના પોલીસ વિભાગ અને જુદા-જુદા પોલીસ મથકોમાં ભારે હલચલ મચી ગઈ છે.

મહેસાણા જિલ્લા પોલીસ વડા દ્વારા બહાર પાડવામાં આવેલા સત્તાવાર આદેશ અનુસાર, મહેસાણા જિલ્લાના વિવિધ પોલીસ સ્ટેશનો, બ્રાન્ચ અને આઉટપોસ્ટમાં ફરજ બજાવતા કુલ 252 પોલીસ કર્મચારીઓની એકસાથે બદલી કરી દેવામાં આવી છે.