અમદાવાદમાં રથયાત્રાની સુરક્ષાને ધ્યાનમાં રાખીને ઝોન-7 DCP દ્વારા ‘ઓપરેશન ક્લિન સ્વિપ’ હેઠળ મેગા કોમ્બિંગ ઓપરેશન હાથ ધરવામાં આવ્યું હતું. પ્રોહિબિશન, મોટર વ્હીકલ એક્ટ અને વિવિધ ગુનાઓમાં વોન્ટેડ સહિત કુલ 190 આરોપીઓની ધરપકડ કરવામાં આવી છે. આ કાર્યવાહી દરમિયાન 26 વર્ષ જૂનો અને 20 વર્ષ જૂનો વોન્ટેડ આરોપી પણ ઝડપાયો છે, જ્યારે વિવિધ રાજ્યો અને ગુજરાતના અનેક જિલ્લાઓમાંથી પણ આરોપીઓને પકડી કાયદેસરની કાર્યવાહી હાથ ધરવામાં આવી છે.