સુરતના પલસાણા ખાતે આવેલા મૃણાલ એક્સપોર્ટના એક બંધ ગોડાઉનમાં અચાનક આગ લાગતા દોડધામ મચી ગઈ હતી. વરસાદી પાણી ભરાવાને કારણે લાંબા સમયથી બંધ રહેલા આ ગોડાઉનમાં રહેલા ઓઈલ અને યાર્નના જથ્થામાં આગ ભભૂકી ઉઠી હતી. બાજુની મિલના કર્મચારીઓએ ધુમાડો જોઈ માલિકને જાણ કરી હતી. પલસાણા અને બારડોલી ફાયર વિભાગની ટીમે તાત્કાલિક ઘટનાસ્થળે પહોંચી ભારે જહેમત બાદ આગ પર કાબૂ મેળવ્યો હતો. સદનસીબે આ દુર્ઘટનામાં કોઈ જાનહાનિ થઈ નથી.,