ગાંધીનગર:ગુજરાત સરકારના મહેસૂલ વિભાગ દ્વારા રાજ્યના વહીવટી માળખામાં ફેરફાર કરતી એક મહત્વની અધિસૂચના પ્રસિદ્ધ કરવામાં આવી છે. સામાન્ય વહીવટ વિભાગની ૨૭/૦૪/૨૦૨૬ની સૂચનાને આધારે, સચિવાલય સેવાઓના પાંચ અધિકારીઓને નાયબ સચિવ તરીકે નવી જવાબદારીઓ સોંપવામાં આવી છે. આ અધિકારીઓને ઉપસચિવ વર્ગ-૧ (રૂ. ૫૬,૧૦૦- ૧,૭૭,૫૦૦) માંથી નાયબ સચિવ વર્ગ-૧ (રૂ. ૭૮,૮૦૦- ૨,૦૯,૨૦૦) ના પગાર ધોરણમાં હંગામી બઢતી આપી મહેસૂલ વિભાગમાં નિમણૂક આપવામાં આવી છે.

નવનિયુક્ત નાયબ સચિવોની યાદી અને તેમની નિમણૂકની વિગતો:

૨૮/૦૪/૨૦૨૬ થી વિભાગમાં હાજર થયેલા નીચે મુજબના અધિકારીઓને મહેસૂલ વિભાગમાં નવી જગ્યાઓ પર મૂકવામાં આવ્યા છે:

  ડી.બી.નિમાવત: નાયબ સચિવ (સ્ટેમ્પ) તરીકે નિમણૂક.

  કુ. નેન્સી એમ. મુનશી: નાયબ સચિવ (મહેકમ) તરીકે નિમણૂક.

  તુષાર એલ. પટેલ: નાયબ સચિવ (આઈ.ટી/સંકલન) તરીકે નિમણૂક.

  મનોજકુમાર એન. જેઠવા: નાયબ સચિવ (તપાસ) તરીકે નિમણૂક.

  જયરાજ એમ. ચાવડા: નાયબ સચિવ (બજેટ) તરીકે નિમણૂક.

વધારાના હવાલા અને ફેરફાર:

બઢતી અને બદલીઓ ઉપરાંત, કેટલાક અધિકારીઓને તેમની હાલની ફરજો સાથે વધારાની જવાબદારીઓ પણ સોંપવામાં આવી છે:

૧. એચ.સી.પટેલ (સંયુક્ત સચિવ, જ.સુ.): ભાવિન પટેલ (નાયબ સચિવ, જમીન) તા. ૦૧/૦૫/૨૦૨૬ થી ૧૭/૦૫/૨૦૨૬ સુધી રજા પર ઉતરતા હોવાથી, તેમને નાયબ સચિવ (જમીન) નો વધારાનો હવાલો સોંપાયો છે. સાથોસાથ તેમને નાયબ સચિવ (યુ.એલ.સી.) ના વધારાના હવાલામાંથી મુક્ત કરવામાં આવ્યા છે.

૨. શ્રીમતી શીતલ ગોસ્વામી (પ્રોજેક્ટ ઓફિસર, SMC): સુજલ મયાત્રા, આઈ.એ.એસ. ની બદલીના કારણે ખાલી પડેલી નાયબ સચિવ (યુ.એલ.સી.) ની જગ્યાનો વધારાનો હવાલો તેમને સોંપવામાં આવ્યો છે.

૩. ડી.બી.નિમાવત (નાયબ સચિવ, સ્ટેમ્પ): ભાવિન પટેલની બદલીને કારણે ખાલી પડેલી નાયબ સચિવ (જમીન સંપાદન) ની જગ્યાનો વધારાનો કાર્યભાર સંભાળશે.

૪. ઋત્વિજ સોનાગરા (ઉપસચિવ, બજેટ): શ્રીમતી હિનાબા જાડેજાની બઢતી સાથે બદલી થતા ખાલી પડેલી ઉપસચિવ (જમીન) ની જગ્યાનો વધારાનો હવાલો તેમને સોંપવામાં આવ્યો છે.

આ આદેશો રાજ્યપાલના હુકમથી સરકારના ઉપસચિવ ડૉ. અજીત આર્ય દ્વારા જારી કરવામાં આવ્યા છે. આ ફેરફારની જાણ મુખ્યમંત્રી કાર્યાલય, મહેસૂલ મંત્રીનું કાર્યાલય અને અન્ય સંબંધિત વિભાગોને કરી દેવામાં આવી છે.