ઊંઝા : ​પાટીદાર સમાજની આસ્થાના સર્વોચ્ચ કેન્દ્ર એવા ઊંઝા સ્થિત 'શ્રી ઉમિયા માતાજી સંસ્થાન' ખાતે નવી કારોબારી સમિતિની જાહેરાત સાથે વહીવટી માળખામાં મોટો બદલાવ આવ્યો છે. રાજ્યના પૂર્વ સનદી અધિકારી (IAS) એમ. એસ. પટેલની સંસ્થાનના નવા પ્રમુખ તરીકે બિનહરીફ વરણી કરવામાં આવી છે. લાંબો પ્રશાસ્નિક અનુભવ ધરાવતા એમ. એસ. પટેલના હાથમાં આસ્થાધામની ધુરા સોંપાતાં જ સમગ્ર કડવા પાટીદાર સમાજ અને મા ઉમાના કરોડો ભક્તોમાં ભારે ઉત્સાહ અને આનંદની લહેર ફરી વળી છે.
​સંસ્થાનના વહીવટને વધુ સુદ્રઢ, પારદર્શી અને શ્રદ્ધાળુઓ માટે સુવિધાસભર બનાવવાના ઉદ્દેશથી આ નવી કારોબારીની રચના કરવામાં આવી છે. નવા વરાયેલા પ્રમુખ એમ. એસ. પટેલે પદભાર સંભાળતાની સાથે જ માતાજીના ચરણોમાં સીસ નમાવીને મંદિરના વિકાસ કાર્યો, સામાજિક પહેલો અને શ્રદ્ધાળુઓની સેવા-સુવિધાઓને નવી ઊંચાઈએ પહોંચાડવાનો સંકલ્પ વ્યક્ત કર્યો હતો. આ પ્રસંગે સંસ્થાનના ટ્રસ્ટીઓ, અગ્રણીઓ અને વિવિધ ક્ષેત્રના આગેવાનોએ તેમને ઉષ્માભર્યા અભિનંદન પાઠવ્યા હતા.