વડોદરામાં ધનતેરસના પર્વ નિમિત્તે સોના-ચાંદીની ખરીદીમાં વધારો જોવા મળી રહ્યો છે. શહેરની જ્વેલર્સની દુકાનો અને શોરૂમમાં સવારથી જ ગ્રાહકોની ભીડ ઉમટી રહી છે. સોના-ચાંદીના ભાવમાં છેલ્લા કેટલાક સમયથી સતત વધઘટ જોવા મળી રહી હોવા છતાં શુભ દિવસે ખરીદી કરવાની પરંપરાને ધ્યાનમાં રાખીને લોકો ખરીદી કરી રહ્યા છે. આજે સોના-ચાંદીના ભાવમાં ઘટાડો નોંધાતાં બજારમાં ખરીદીનો માહોલ વધુ જોવા મળી રહ્યો છે. ધનતેરસના શુભ મુહૂર્તે સોના-ચાંદીના દાગીના અને સિક્કા ખરીદવા માટે ગ્રાહકોમાં ઉત્સાહ જોવા મળી રહ્યો છે.