જામનગર : જામનગરમાં આયોજિત લોકમેળાની પૂર્ણાહુતિ થતાની સાથે જ તંત્ર દ્વારા ત્વરિત પગલાં ભરવામાં આવ્યા છે. લોકમેળો પૂરો થયા બાદ તરત જ રાત્રિના સમયે મેળા ગ્રાઉન્ડમાં સફાઈ અભિયાન શરૂ કરી દેવામાં આવ્યું છે જેથી ગંદકી ફેલાય નહીં.

આ સફાઈ અભિયાન અંતર્ગત મ્યુનિસિપલ કોર્પોરેશનની ટીમ અને સફાઈ કામદારો સાધનો સાથે મોડી રાત્રે જ મેદાનમાં ઉતરી ગયા હતા. મેળા દરમિયાન એકત્ર થયેલ કચરો અને ખાણીપીણીના સ્ટોલમાંથી નીકળેલો વેસ્ટ ઝડપથી હટાવવાની કામગીરી હાથ ધરવામાં આવી હતી.

વહીવટી તંત્રનો મુખ્ય હેતુ વહેલી સવારે મેળા ગ્રાઉન્ડ સંપૂર્ણપણે સ્વચ્છ અને ચોખ્ખો જોવા મળે તેવો હતો, જેથી નાગરિકોને કોઈ તકલીફ ન પડે. તંત્રની આ ઝડપી કામગીરીને લઈને આસપાસના રહીશોમાં પણ ખુશી જોવા મળી રહી છે.