ગાંધીનગરઃ પાટનગર ગાંધીનગર ખાતે પ્રધાનમંત્રી નરેન્દ્રભાઇ મોદીના હસ્તે 'નશામુક્ત યુવા ફોર વિકસિત ભારત' અભિયાનનો પ્રારંભ થયો. કાર્યક્રમમાં રાજ્યપાલ અને મુખ્યમંત્રી ભૂપેન્દ્રભાઇ પટેલે યુવાનો સાથે સંવાદ કર્યો હતો. CM એ યુવાધનને 'મારો નહીં, દેશનો વિચાર પહેલા' ના મંત્ર સાથે 'My Bharat' પોર્ટલ સાથે જોડાવા આહ્વાન કર્યું હતું.

કાર્યક્રમ દરમિયાન મુખ્યમંત્રી (Chief Minister) ભૂપેન્દ્રભાઇ પટેલે (Bhupendra Patel) ઉપસ્થિત વિશાળ યુવાધન સાથે સીધો સંવાદ સાધ્યો હતો. તેમણે યુવાનોને પ્રેરણા આપતા જણાવ્યું હતું કે, "આપણા મનમાં મારો વિચાર નહીં, પરંતુ દેશનો વિચાર સૌથી પહેલાં આવવો જોઈએ." મુખ્યમંત્રીએ ભારપૂર્વક કહ્યું હતું કે જ્યારે દેશનો દરેક યુવાન સ્વાર્થથી ઉપર ઊઠીને રાષ્ટ્રહિતનો વિચાર કરશે, ત્યારે જ 'વિકસિત ભારત' (Viksit Bharat) નો રાષ્ટ્રીય સંકલ્પ સાકાર થઈ શકશે. યુવાનોની ક્ષમતા જ દેશના ભવિષ્યની સાચી દિશા નક્કી કરે છે.

મુખ્યમંત્રી ભૂપેન્દ્રભાઇ પટેલે રાજ્યના યુવાનોને કલેક્ટિવ વિઝન સાથે આગળ વધવા પ્રોત્સાહિત કર્યા હતા. તેમણે દેશના યુવાધનને 'માય ભારત'  પ્લેટફોર્મ સાથે વધુમાં વધુ સંખ્યામાં જોડાવા માટે ખાસ અપીલ કરી હતી. નશામુક્ત અને સ્વસ્થ જીવનશૈલી અપનાવીને 'વિકસિત ભારત@2047' (Viksit Bharat@2047) ના મહાન સંકલ્પને પૂર્ણ કરવા માટે દરેક યુવાન પોતાની સક્રિય ભાગીદારી નોંધાવે તેવો આગ્રહ તેમણે વ્યક્ત કર્યો હતો