તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
જાલમુરીની જેમ આ ખીચડીને પણ નરેન્દ્રભાઇ લોકભોગ્ય બનાવે તેવી ઇચ્છાઃ જગદીશ જેઠવા
ગુજરાત રાજ્યના મુખ્યમંત્રી ભૂપેન્દ્રભાઇ પટેલને ગાંધીનગર રાજભવન ખાતે પૌષ્ટિક અને સ્વાદિષ્ટ ખીચડી બનાવી જમાડનાર વડોદરાના જગદીશભાઇ જેઠવાની દિલથી ઇચ્છા છે કે આ ભારતની સનાતન ખીચડી આપણા વડાપ્રધાન શ્રી નરેન્દ્રભાઇ સુધી પહોંચે. નરેન્દ્રભાઇ દરરોજ રાત્રે લગભગ ખીચડી જ ભોજનમાં લે છે. તાજેતરમાં કોલકતામાં મોદી સાહેબે જેમ જાલમુરી ચાખી અને આખા ભારતમાં તેની ચર્ચા થઇ તો આ સનાતન ભારતીય પૌષ્ટિક ખોરાક ખીચડી આજનું યુવાધન આરોગતું થાય તો ભારત દેશનું આરોગ્ય પણ સુધરશે. બાળકો અને યુવાનો પિઝા અને બર્ગર છોડીને હોંશે હોંશે ખીચડી ખાતા થાય તો તેનામાં ધરખમ ફેરફારો જોવા મળશે તે ખીચડીથી સાબીત થયું છે. હવે મોદી સાહેબ જાલમુરીની જેમ આ ખીચડીને પણ લોકભોગ્ય બનાવે તેવી ઇચ્છા છે.
(9:59 AM IST)
છેલ્લા 8 દિવસમાં સૌથી લોકપ્રિય 
