અમદાવાદ, તા.૨૩: હુરુન ઈન્ડિયા અને M3M ઈન્ડિયા દ્વારા સંયુક્ત રીતે જાહેર કરવામાં આવેલા 'M3M હુરુન ઈન્ડિયા રિચ લિસ્ટ 2026' માં ભારતના નવી પેઢીના યુવા ઉદ્યોગસાહસિકોએ અકલ્પનીય સફળતા મેળવી છે. જ્યાં આ સમગ્ર રિચ લિસ્ટમાં અમીરોની સરેરાશ વય ૬૪ વર્ષ છે, ત્યાં ૪૦ વર્ષથી ઓછી વયના ૬૩ યુવાનો અને ૩૦ વર્ષથી ઓછી વયના ૬ યુવા સંસ્થાપકોએ દેશના સૌથી ધનિકોની યાદીમાં સ્થાન મેળવીને ભારતીય સ્ટાર્ટઅપ ઈકોસિસ્ટમનું સામર્થ્ય સાબિત કરી દીધું છે.

ઝેપ્ટોના ફાઉન્ડર્સ દેશના સૌથી યુવા અમીર

ક્વિક કોમર્સ પ્લેટફોર્મ ઝેપ્ટો (Zepto) ના સહ-સ્થાપક ૨૩ વર્ષીય કૈવલ્ય વોહરા ₹૨,૬૦૦ કરોડની સંપત્તિ સાથે સતત આ વર્ષે પણ દેશના સૌથી નાની વયના અમીર (Youngest Rich Lister) બન્યા છે. તેમની સાથે ઝેપ્ટોના ૨૪ વર્ષીય સહ-સ્થાપક આદિત પાલિચા ₹૩,૫૦૦ કરોડની નેટવર્થ સાથે દેશના બીજા સૌથી યુવા અમીર તરીકે ઉભરી આવ્યા છે.

ગુજરાતના ભાવનગરનું ગૌરવ અને AI સ્ટાર્ટઅપ્સનો દબદબો

આ યાદીમાં આર્ટિફિશિયલ ઈન્ટેલિજન્સ (AI) અને ટેકનોલોજી ક્ષેત્રના યુવાનોએ ધમાકેદાર ડેબ્યૂ કર્યું છે:

• ભાવનગરના શાશ્વત નાકરાણી: ફિનટેક દિગ્ગજ 'ભારતપે' (BharatPe) ના ૨૮ વર્ષીય સ્થાપક શાશ્વત નાકરાણી ₹૧,૫૦૦ કરોડની સંપત્તિ સાથે યાદીમાં પોતાનું સ્થાન જાળવી રાખવામાં સફળ રહ્યા છે.

• AI ક્ષેત્રે ધમાકો: ૨૮ વર્ષીય તનય કોઠારી અને સહજ ગર્ગે પોતાની AI કંપની 'વિસ્પર ફ્લો' (Wispr Flow) દ્વારા ₹૪,૨૦૦-૪,૨૦૦ કરોડની નેટવર્થ સાથે સૌથી યુવા AI એન્ટરપ્રિન્યોર તરીકે સ્થાન મેળવ્યું છે.

ટોપ ૧૦ સૌથી યુવા અમીરોનું ગણિત

હુરુન ઈન્ડિયાના રિપોર્ટ અનુસાર, આ વર્ષે ૧૯૯૦ પછી જન્મેલા ૨૮ યુવાનોએ યાદીમાં સ્થાન મેળવ્યું છે. દેશના સેલ્ફ-મેડ (સ્વ-નિર્મિત) અમીરોનું પ્રમાણ વધીને ૭૦% થઈ ગયું છે, જે દર્શાવે છે કે નવો ભારત ઈનોવેશન અને ટેકનોલોજીના દમ પર ખૂબ જ ઓછી વયે વૈશ્વિક સ્તરે વેલ્યુ ક્રિએશન કરી રહ્યો છે.