અમદાવાદ: ગુજરાતની આર્થિક રાજધાની અમદાવાદના કોમર્શિયલ રિયલ એસ્ટેટ ક્ષેત્રે એક મોટી સિદ્ધિ હાંસલ કરી છે. શહેરના પ્રાઇમ લોકેશન નેહરુનગર ખાતે સ્થિત વિનસ ગ્રુપનો પ્રતિષ્ઠિત પ્રોજેક્ટ 'સ્ટ્રેટમ એટ વિનસ ગ્રાઉન્ડ્સ' રિયલ એસ્ટેટ ઇન્વેસ્ટમેન્ટ ટ્રસ્ટ (REIT) ફ્રેમવર્ક હેઠળ આવનારી અમદાવાદની પ્રથમ ડેવલપર એસેટ બની છે. ૨,૦૭,૮૩૮ ચોરસ ફૂટની આ વિશાળ પ્રીમિયમ ઓફિસ સ્પેસને ભારતના સૌપ્રથમ SM REIT પ્લેટફોર્મ 'પ્રોપશેર સેલેસ્ટિયા' (PropShare Celestia) મારફતે સફળતાપૂર્વક મોનેટાઈઝ કરવામાં આવી છે.
આ ટ્રાન્ઝેક્શન અમદાવાદના રિયલ એસ્ટેટ માર્કેટને વૈશ્વિક કક્ષાના સંસ્થાગત રોકાણ માટે નકશા પર લાવ્યું છે. 'સ્ટ્રેટમ' પ્રોજેક્ટમાં Fortune 500 કંપનીઓ અને પ્રતિષ્ઠિત મલ્ટીનેશનલ કોર્પોરેશન્સ ટેનન્ટ તરીકે કાર્યરત છે, જે આ એસેટની વિશ્વસનીયતા અને લાંબા ગાળાની આવકની ક્ષમતામાં વધારો કરે છે. આ વ્યૂહાત્મક ભાગીદારીથી હવે સામાન્ય રોકાણકારો માટે પણ હાઈ-એન્ડ કોમર્શિયલ પ્રોપર્ટીમાં હિસ્સેદારી મેળવવી સરળ બનશે.
રોકાણકારોનો અભૂતપૂર્વ પ્રતિસાદ:
પ્રોપશેર સેલેસ્ટિયાની આ ત્રીજી SM REIT સ્કીમ ₹૨૪૪.૬૫ કરોડના ઈશ્યુ સાઇઝ સાથે લોન્ચ કરવામાં આવી હતી. ૧૦ એપ્રિલથી ૧૬ એપ્રિલ સુધી સબ્સ્ક્રિપ્શન માટે ખુલ્લા રહેલા આ ઈશ્યુને રોકાણકારોએ પલકવારમાં વધાવી લીધો હતો અને તે ૧.૩૩ ગણો ઓવરસબ્સ્ક્રાઇબ થયો હતો. આ સફળતા સાબિત કરે છે કે હવે મેટ્રો શહેરોની બહાર પણ ગુણવત્તાયુક્ત કોમર્શિયલ એસેટ્સમાં રોકાણકારોનો વિશ્વાસ દ્રઢ થઈ રહ્યો છે.
વિનસ ગ્રુપના મેનેજિંગ ડિરેક્ટર રાજેશ વાસવાનીએ આ સિદ્ધિ પર ગર્વ વ્યક્ત કરતા જણાવ્યું હતું કે, "આ ટ્રાન્ઝેક્શન અમદાવાદના રિયલ એસ્ટેટ વિકાસમાં એક મહત્વપૂર્ણ પડાવ સાબિત થશે. અમારો ઉદ્દેશ્ય અમદાવાદને વૈશ્વિક રોકાણકારો અને મોટા કોર્પોરેટ્સ માટે પસંદગીનું સ્થળ બનાવવાનો છે." આ ઐતિહાસિક સોદા બાદ હવે અમદાવાદમાં અન્ય મોટા અને ઉચ્ચ મૂલ્યના REIT ટ્રાન્ઝેક્શન્સ માટેના માર્ગો મોકળા થયા છે, જે શહેરના આર્થિક વિકાસને નવી ઊંચાઈઓ પર લઈ જશે.