(વિનોદ ગાલા દ્વારા) ભુજ, તા.૧: ભારતના દરિયાઈ માર્ગે કરોડો રૂપિયાનું ઝેર ઘુસાડવાનો પ્રયાસ કરનારા આંતરરાષ્‍ટ્રીય ડ્રગ્‍સ નેટવર્ક પર ભુજની સ્‍પેશિયલ કોર્ટે લાલઆંખ કરી છે.દરિયાઈ વિસ્‍તારમાંથી ગેરકાયદેસર રીતે કુલ રૂા.૫૭૫ કરોડની કિંમતનો હેરોઇનનો જથ્‍થો ઘુસાડવાના ત્રણ અલગ-અલગ મોટા ગુનાઓમાં સંડોવાયેલા ૧૮ પાકિસ્‍તાની અને ૧ અફઘાની નાગરિક સહિત કુલ ૧૯ આરોપીઓને ભુજની ત્રીજી અધિક સેશન્‍સ અને સ્‍પેશિયલ NDPS કોર્ટે ૨૦ વર્ષની સખત કેદની સજા ફટકારી છે.આ સાથે જ તમામ આરોપીઓને રૂા.૨ લાખનો દંડ પણ કરવામાં આવ્‍યો છે.

 કોર્ટના જજ વી.એ.બુધ્‍ધ એ ચુકાદો આપતાં નોંધ્‍યું હતું કે,આરોપીઓનું આ કળત્‍ય દેશની આંતરિક સુરક્ષાને સીધી અસર કરે છે અને ભારતના યુવાનોને નશાના ગંભીર વ્‍યસનમાં ધકેલીને રાષ્‍ટ્રના ઢાંચાને નબળો પાડવાનું એક સુનિયોજિત કાવતરૂહતું. સ્‍પેશિયલ NDPS કોર્ટે તમામ ૧૯ આરોપીઓને કડક સજા સંભળાવી છે જેમાં NDPS એક્‍ટની કલમ ૮(સી): ગુનામાં તકસીરવાન ઠેરવી ૨૦ વર્ષની સખત કેદ અને પ્રત્‍યેક આરોપીને રૂા. ૨,૦૦,૦૦૦ નો દંડ,NDPS એક્‍ટની કલમ ૨૩(સી) ગુનામાં તકસીરવાન ઠેરવી ૨૦ વર્ષની સખત કેદ અને પ્રત્‍યેક આરોપીને રૂા. ૨,૦૦,૦૦૦ નો દંડ ફટકાર્યો હતો.સાથે કોર્ટે સ્‍પષ્ટ કરી હુકમ કર્યો હતો કે આ બંને કલમો હેઠળની સજાઓ આરોપીઓએ અલગ-અલગ (એક પછી એક) ભોગવવાની રહેશે.

આ કેસમાં પ્રોસિકયુશન તરફે મુખ્‍ય જિલ્લા સરકારી વકીલ એચ.બી. જાડેજાએ હાજર રહીને મજબૂત સાક્ષીઓ તપાસ્‍યા હતા અને ધારદાર દલીલો કરી હતી.ભુજ કોર્ટે ચુકાદો આપતી વખતે સ્‍પષ્ટ શબ્‍દોમાં જણાવ્‍યું કે,આરોપીઓ દ્વારા આટલા મોટા ્‌પ્રમાણમાં નશીલા પદાર્થો સપ્‍લાય કરવાનું કળત્‍ય સામાન્‍ય કહી શકાય નહીં.આ દેશના યુવાનોને બરબાદ કરવાનું અને રાષ્‍ટ્ર સુરક્ષા સામે સંકટ ઊભું કરવાનું એક ગંભીર રાષ્‍ટ્રીય સ્‍તરનું કાવતરું છે, જેથી આરોપીઓ કોઈ પણ પ્રકારની નરમાશને પાત્ર નથી.

ત્રણેય મોટા ઓપરેશનની વિગતવાર માહિતી નીચે પ્રમાણે છે.

કેસ ૧: જખૌ દરિયામાંથી ઈં ૧૭૫ કરોડનું હેરોઇન ઝડપાયું (૦૬/૦૧/૨૦૨૦) જેમાં ATS ગુજરાતને મળેલી ખાનગી માહિતીના આધારે પાકિસ્‍તાનના કાપર ક્રીકથી આવતી બોટને જખૌના દરિયામાં ATS, કોસ્‍ટગાર્ડ અને SOG ભુજની સંયુક્‍ત ટીમે આંતરી હતી.જેમાં ૩૫,૦૫૫ ગ્રામ (આશરે ૩૫ કિલો) હેરોઇન, જેની કિંમત ઈં ૧૭૫ કરોડ જપ્‍ત કરવામા આવ્‍યો હતો સાથે પાકિસ્‍તાની આરોપીઓઃ(૧) ઇસ્‍માઇલ મોહમદ જામ (ઉં.વ. ૫૦),(૨) અનીશ ઇશા ભટી (ઉં.વ. ૩૦), (૩) અબુબકર હાસમ કુંગરા (ઉં.વ. ૭૦), (૪) અશરફ ઉસ્‍માન ભટી (ઉં.વ. ૪૨) નો સમાવેશ થતો હતો આ કેસમાં તપાસ અધિકારી ATSના PI આઇ.આર.જાડેજાએ ગુનો નોંધ્‍યો હતો અને તપાસ બાદ PI ડી.બી.બસીયાએ કોર્ટમાં ચાર્જશીટ રજૂ કરી હતી.

કેસ ૨: હૈદરી પોર્ટથી આવેલું રૂા.૧૫૦ કરોડનું હેરોઇન પકડાયું (૧૫/૦૪/૨૦૨૧)ના પાકિસ્‍તાનના હૈદરી પોર્ટથી બોટ મારફતે જખૌના દરિયામાં ડ્રગ્‍સની ડિલિવરી થવાની બાતમીના આધારે ફરી એકવાર ATS, કોસ્‍ટગાર્ડ અને SOG ભુજે સંયુક્‍ત રેડ કરીને શંકાસ્‍પદ બોટ ઝડપી પાડી હતી.જેમાં ૩૦ કિલો હેરોઇન, જેની કિંમત ઈં ૧૫૦ કરોડ થાય છે તે  જપ્‍ત કરવામાં આવી હતી.જેમાં આરોપીઓ (૧) મુર્તઝા યામીન સિંધી (ઉં.વ. ૩૫), (૨) યામીન ઉમર સિંધી (ઉં.વ. ૬૫), (૩) મુસ્‍તફા યામીન સિંધી (ઉં.વ. ૩૩), (૪) નસરૂલ્લા યામીન સિંધી (ઉં.વ. ૨૮), (૫) હુસૈન ઇબ્રાહીમ સિંધી (ઉં.વ. ૬૨), (૬) સાલેમામદ અબ્‍દુલા સિંધી (ઉં.વ. ૭૦), (૭) મહમંદ યાસીન મહમંદ ઉર્સ મલ્લા (ઉં.વ. ૩૯), (૮) રફીક આમદ ઉસ્‍માનઅલી મુલ્લા (ઉં.વ. ૬૨).નો સમાવેશ થાય છે જે કેસમાં ATSના PI વી.બી. પટેલે ગુનો નોંધ્‍યો હતો અને તપાસના અંતે PI વાય.એમ.ગોહીલે ચાર્જશીટ ફાઇલ કરી હતી.

કેસ ૩ : અફઘાની કનેક્‍શન સાથે રૂા.૨૫૦ કરોડનું હેરોઇન જપ્ત (૦૮/૧૦/૨૦૨૨)ના ઓપરેશન દરમ્‍યાન પાકિસ્‍તાનના હૈદરી પોર્ટથી જખૌના દરિયામાં ઘુસાડાતો ડ્રગ્‍સનો વધુ એક મોટો જથ્‍થો એજન્‍સીઓએ સંયુક્‍ત ઓપરેશનમાં ઝડપી લીધો હતો.આ તપાસ દરમિયાન આંતરરાષ્‍ટ્રીય કનેક્‍શન ખુલતાં એક અફઘાની નાગરિકની પણ ધરપકડ કરાઈ હતી.જેમાં ૫૦ કિલો હેરોઇન, જેની અંદાજિત કિંમત ઈં ૨૫૦ કરોડ થાય છે તે જપ્ત કરવામાં આવ્‍યો હતો. જેમાં (૧) અલી મોહમદ બચ્‍ચલ મલ્લા (ઉં.વ. ૪૦), (૨) મમતાજ હારૂન મલ્લા (ઉં.વ. ૩૦), (૩) શેર મોહમદ બશરીયા બડ (ઉં.વ. ૪૦), (૪) મોતીયા ઇદ્રીશ મલ્‍લ્લા (ઉં.વ. ૫૦), (૫) ઇબ્રાહીમ યુસુફ સમેજા (ઉં.વ. ૬૮), (૬) જાહીદ અબ્‍દુલ્લા મલ્લા (ઉં.વ. ૨૨) (તમામ રહે. પાકિસ્‍તાન)અને (૭) હેકમતુલ્લા નુરૂઉલ્લાહ( રહે.અફઘાનિસ્‍તાન) ને ઝડપી પડાયા હતા.આ કેસમાં ATSના PI વી.એન.વાઘેલાએ ફરિયાદ નોંધી હતી અને ઊંડાણપૂર્વકની તપાસ બાદ સી.એચ. પનારા દ્વારા કોર્ટમાં મજબૂત પુરાવા સાથે ચાર્જશીટ રજૂ કરવામાં આવી હતી. (૩.૫)