અમદાવાદના રાણીપ મેટ્રો સ્ટેશન પર આજે એક હૃદયકંપાવનારી ઘટના સામે આવી છે.એક અજ્ઞાત યુવતી અચાનક મેટ્રો સ્ટેશનની ઊંચાઈ પરથી નીચે રોડ પર પટકાઈ હતી.યુવતી નીચે પડતાં જ આસપાસના લોકો અને મુસાફરોમાં ભારે દોડધામ મચી ગઈ હતી અને તેણીને તાત્કાલિક  હોસ્પિટલ ખાતે સારવાર અર્થે ખસેડવામાં આવી છે.ઘટનાની જાણ થતાં જ વાડજ પોલીસનો કાફલો ઘટનાસ્થળે દોડી આવ્યો હતો અને મેટ્રો સ્ટેશનના સીસીટીવી ફૂટેજ તેમજ આસપાસના પ્રત્યક્ષદર્શીઓની પૂછપરછ હાથ ધરી છે.આ ચકચારી મામલામાં યુવતીનો પગ લપસતાં આ એક અકસ્માત સર્જાયો છે કે પછી તેણીએ આત્મહત્યા કરવાનો પ્રયાસ કર્યો છે, તે દિશામાં પોલીસે ઊંડાણપૂર્વકની તપાસનો ધમધમાટ શરૂ કર્યો છે.