હિંમતનગર ACBએ સફળ ટ્રેપ ગોઠવી હિંમતનગર ગ્રામ્ય પોલીસ સ્ટેશનમાં ફરજ બજાવતા હેડ કોન્સ્ટેબલ દિલીપભાઈ બાબુભાઈ બોદરને એક હજારની લાંચ લેતા ઝડપી પાડ્યા છે. રેતી ભરેલા ટ્રેક્ટરને ડિટેઇન ન કરવા માટે તેમણે રૂ. 2 હજારની લાંચની માંગણી કરી હોવાનો આરોપ છે. જાગૃત નાગરિકની ફરિયાદના આધારે મહેસાણા ACBએ સમગ્ર મામલે કાર્યવાહી હાથ ધરી હતી.

ફરિયાદ મુજબ રેતી ભરેલા ટ્રેક્ટર સામે કાર્યવાહી ન કરવા અને તેને ડિટેઇન ન કરવા માટે હેડ કોન્સ્ટેબલે રૂ. 2 હજારની લાંચ માગી હતી. લાંચની માંગણીમાંથી રૂ. 1 હજારની રકમ આપવાનું નક્કી કરવામાં આવ્યું હતું. ફરિયાદીએ આ મામલે ACBનો સંપર્ક કરતા છટકું ગોઠવવામાં આવ્યું હતું.

મહેસાણા ACBની ટીમે હિંમતનગર ખાતે ટ્રેપ ગોઠવી હતી. હેડ કોન્સ્ટેબલ દિલીપભાઈ બોદરને રૂ. 1 હજારની લાંચ સ્વીકારતા ઝડપી પાડવામાં આવ્યા છે. RTO ગ્રામ્ય પોલીસ ચોકી, RTO સર્કલ ખાતે લાંચની રકમ સ્વીકારવામાં આવી રહી હતી ત્યારે ACBની ટીમે કાર્યવાહી કરી હતી.

  લાંચના આ છટકામાં ટ્રેપીંગ અધિકારી તરીકે શ્રીમતી એચ. જે. પટેલ, પોલીસ ઇન્સ્પેકટર, એ.સી.બી. પો.સ્ટે મહેસાણા હતા