ગુજરાતના ગૃહ રાજ્યમંત્રી હર્ષ સંઘવીની અધ્યક્ષતામાં ગાંધીનગર ખાતે ગૃહ વિભાગ અને પોલીસ વિભાગના ઉચ્ચ અધિકારીઓ સાથે સમીક્ષા બેઠક યોજવામાં આવી હતી આ મોડીરાત સુધી લાંબી બેઠકમાં તમામ ટોચના અધિકારીઓ હાજર રહ્યા હતા 

 અત્રે ઉલ્લેખનીય છે કે આ અગાઉ   રાજ્યમાં ડ્રગ્સ માફિયાઓ સામે ચાલી રહેલી કડક કાર્યવાહીની સમીક્ષા કરવામાં આવી હતી  ગુજરાત પોલીસ દ્વારા NDPS એક્ટ હેઠળ બમણાથી વધુ કેસ નોંધાતા મંત્રીએ પોલીસ તંત્રને અભિનંદન પાઠવ્યા હતા.

•  રાજ્યમાં ગેરકાયદેસર રીતે વસતા બાંગ્લાદેશીઓ અને અન્ય ઘૂસણખોરો વિરુદ્ધ કરવામાં આવેલી કડક કાર્યવાહીની સમીક્ષા કરી આગળની વ્યૂહરચના ઘડવામાં આવી હતી .
• ઓર્ગેનાઈઝ્ડ ક્રાઈમ (સંગઠિત ગુનાખોરી) આચરતા અસામાજિક તત્વો સામે ગુજસીટોક કાયદા હેઠળ થયેલી સઘન કામગીરીની સરાહના કરવામાં આવી હતી . 
•  અસામાજિક તત્વો અને વ્યાજખોરો વિરુદ્ધ કડક પગલાં લેવા તેમજ સામાન્ય નાગરિકોની સુરક્ષા સુનિશ્ચિત કરવા ઉચ્ચ અધિકારીઓને સ્પષ્ટ સૂચનાઓ આપવામાં આવી હતી .