અમદાવાદ :ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા આગામી શૈક્ષણિક વર્ષ 2026-27 માટેનું સત્તાવાર કેલેન્ડર પ્રસિદ્ધ કરવામાં આવ્યું છે. આ નવા કેલેન્ડર મુજબ, રાજ્યમાં ધોરણ 10 અને 12 ની બોર્ડની પરીક્ષાઓ આગામી વર્ષે વહેલી યોજાશે. બોર્ડ દ્વારા પરીક્ષાઓ, રજાઓ અને વેકેશનના સમયગાળા સહિતની તમામ વિગતો જાહેર કરી દેવામાં આવી છે, જે વિદ્યાર્થીઓ અને શાળાઓ માટે આયોજન કરવામાં મદદરૂપ થશે.

બોર્ડના સત્તાવાર પરિપત્ર અનુસાર, નવું શૈક્ષણિક વર્ષ 8 જૂન 2026 થી શરૂ થશે. સમગ્ર વર્ષ દરમિયાન શાળાઓમાં કુલ 244 દિવસનું શૈક્ષણિક કાર્ય નિર્ધારિત કરવામાં આવ્યું છે. જેમાં પ્રથમ સત્રમાં 120 દિવસ અને બીજા સત્રમાં 124 દિવસનો સમાવેશ થાય છે. 4 સ્થાનિક રજાઓને બાદ કરતાં વિદ્યાર્થીઓને કુલ 240 દિવસનું પ્રત્યક્ષ શિક્ષણ મળશે. આ ઉપરાંત, વર્ષ દરમિયાન કુલ 20 જાહેર રજાઓ રહેશે.

• દિવાળી વેકેશન: પ્રથમ સત્ર 4 નવેમ્બર 2026 ના રોજ પૂર્ણ થશે, ત્યારબાદ 5 નવેમ્બર 2026 થી 25 નવેમ્બર 2026 સુધી (21 દિવસ) દિવાળી વેકેશન રહેશે.
• દ્વિતીય સત્ર: 26 નવેમ્બર 2026 થી 2 મે 2027 સુધી દ્વિતીય સત્ર ચાલશે.
• ઉનાળુ વેકેશન: વર્ષ 2027 નું ઉનાળુ વેકેશન 3 મે 2027 થી 6 જૂન 2027 સુધી (35 દિવસ) રહેશે.
• નવું વર્ષ (2027-28): આગામી નવું શૈક્ષણિક વર્ષ 7 જૂન 2027 થી શરૂ થશે.

બોર્ડ દ્વારા જાહેર કરાયેલા સમયપત્રક મુજબ વિવિધ પરીક્ષાઓની તારીખો નીચે મુજબ છે:

પરીક્ષાનું નામતારીખપ્રથમ પરીક્ષા (ધોરણ 9 થી 12)22 ઓક્ટોબર થી 2 નવેમ્બર 2026પ્રિલિમ/દ્વિતીય પરીક્ષા (ધોરણ 9 થી 12)18 જાન્યુઆરી થી 28 જાન્યુઆરી 2027પ્રખરતા શોધ કસોટી (ધોરણ 9)30 જાન્યુઆરી 2027ધોરણ 12 વિજ્ઞાન પ્રવાહ (પ્રાયોગિક પરીક્ષા)5 ફેબ્રુઆરી થી 13 ફેબ્રુઆરી 2027બોર્ડની મુખ્ય પરીક્ષા (ધોરણ 10 અને 12)25 ફેબ્રુઆરી થી 17 માર્ચ 2027વાર્ષિક પરીક્ષા (ધોરણ 9 અને 11)5 એપ્રિલ થી 20 એપ્રિલ 2027પૂરક પરીક્ષા (સંભવિત)11 જૂન થી 22 જૂન 2026