અમદાવાદ તા.૨૯ : ગુજરાત પ્રદેશ ભાજપા મીડિયા વિભાગની અખબારી યાદી જણાવે છે કે, આજે ભાજપા પ્રદેશ અધ્યક્ષ શ્રી જગદીશભાઈ વિશ્વકર્માએ હેલિપેડ ગ્રાઉન્ડ, ગાંધીનગર ખાતે મસ્કતી કાપડ માર્કેટ મહાજન દ્વારા આયોજિત ભવ્ય FABEXA-11 એક્ઝિબિશનનું ઉદ્ઘાટન કર્યું હતું. આ પ્રસંગે તેમણે જણાવ્યું કે, પ્રધાનમંત્રી નરેન્દ્રભાઇ મોદીના '5F' (Farm to Fibre, Fibre to Factory, Factory to Fashion, Fashion to Foreign) વિઝનને સાકાર કરવામાં ગુજરાતનો કાપડ ઉદ્યોગ અગ્રેસર રહ્યો છે અને આ આયોજન થકી તેને વધુ વેગ મળશે. આ એક્ઝિબિશન દ્વારા ઉદ્યોગકારોને નવા બજારો તથા વેપારની નવી તકો પ્રાપ્ત થશે.

આ અવસરે  જગદીશભાઈ વિશ્વકર્માએ ટેક્સટાઇલ ક્ષેત્રના પ્રતિષ્ઠિત અગ્રણીઓ, ઉદ્યોગસાહસિકો અને વેપારીઓ સાથે સંવાદ કર્યો હતો અને આ ભવ્ય આયોજન બદલ મસ્કતી કાપડ માર્કેટ મહાજન અને તમામ સભ્યોને હાર્દિક શુભકામનાઓ પાઠવી હતી. આ કાર્યક્રમમાં ગાંધીનગર મહાનગરના મેયર મીરાબેન પટેલ, શહેર ભાજપા અધ્યક્ષ ડૉ. આશિષકુમાર દવે સહિત અગ્રણીઓ પણ ઉપસ્થિત રહ્યાં હતાં.તેમ પ્રશાંત વાળા પ્રદેશ મીડિયા ઇન્ચાર્જભાજપા ગુજરાતની યાદીમાં જણાવાયું છે.