( ભરત શાહ દ્વારા ) નર્મદા: રાજપીપળાના હરસિદ્ધિ માતાના મંદિર સામેના પાર્કિંગમાં ટુ વ્હીલર પર મૂકેલા સામાનની કોઈ અજાણ્યો શખ્શ ચોરી કરી લઇ જતા ફરિયાદ થવા પામી છે.
   ઘનશ્યામભાઇ નગીનભાઈ રાઠવા ( હાલ રહે.N-502 સ્વાગત રેસીડેંસી ઇચ્છાપુર હજીરા તા.ચોર્યાશી જી.સુરત મુળ રહે.ખાંડીયા અમાદર નિશાળ ફળીયું તા.પાવી જેતપુર જિ.છોટા ઉદેપુર)  નાઓ એ આપેલ ફરિયાદ મુજબ કોઈ અજાણ્યા ચોર શખ્શે તેમના ટુ વ્હીલર પરથી  ચાંદીના પાયલ જેની કિંમત ૭૭૦૦/- રૂપીયા તથા ચાંદી ના કમરબંધ જેની કિંમત ૧૩૫૦૦/-રૂપીયા તથા નાના છોકરા ના કડા જેની કિંમત ૧૮૦૦/-રૂપીય તથા સોનાની નથણી જેની કિંમત ૧૫૦૦/- રૂપીયા તથા એક ગૂગલ કંપનીનો ફોન જેની આશરે કિંમત ૫૦,૦૦૦/- રૂપીયા ની મળી બધા જ ઘરેણા અને મોબાઇલ ની કિં.રૂ. ૭૪,૫૦૦/- ની ગઈ તા.૨૧/૦૬/૨૦૨૬ દરમ્યાન કોઇ પણ સમયે કોઇ અજાણ્યા ચોર ઇસમ ચોરી કરી લઇ જઇ ગુનો કરતા રાજપીપળા પોલીસે ચોરી નો ગુનો દાખલ કરી તપાસ હાથ ધરી છે.