રાજકોટ, તા. ૧૭ ઓક્ટોબર :મૂળ રાજકોટના વતની અને રાષ્ટ્રીય સ્વયંસેવક સંઘના પાયાના સ્વયંસેવક તેમજ ગુજરાતના પૂર્વ મુખ્યમંત્રી સ્વ. વિજયભાઈ રૂપાણીના અંગત સચિવ શૈલેષ માંડલિયાનો આવતીકાલે, 18 ઓક્ટોબર ના રોજ જન્મદિન છે. તેમની સમગ્ર વ્યાવસાયિક અને રાજકીય કારકિર્દી અત્યંત સમૃદ્ધ અને બહોળો અનુભવ ધરાવતી રહી છે. તેમણે રાજકોટ મહાનગર ભાજપ યુવા મોરચાના પૂર્વ મંત્રી અને રાજકોટ ભાજપના પૂર્વ મીડિયા કન્વીનર તરીકે પક્ષમાં સક્રિય અને નિષ્ઠાવાન સેવાઓ આપી છે.

વહીવટી અને સંગઠનમાં દીર્ઘ અનુભવની સફર:
શૈલેષ માંડલિયાની વહીવટી સફરની શરૂઆત ૧૯૯૯ માં થઈ હતી. તેમણે ૧૯૯૯ થી ૨૦૦૩ દરમિયાન 'સંકલ્પપત્ર અમલીકરણ સમિતિ (રાજ્યકક્ષા)' ના અધ્યક્ષ તરીકે સ્વ. વિજયભાઈ રૂપાણી સાથે કાર્યરત રહીને મહત્વની જવાબદારી નિભાવી હતી. આ બાદ તેમણે ભારતીય જનતા પક્ષના પૂર્વ કેન્દ્રીય અધ્યક્ષ અને વર્તમાન કેન્દ્રીય ગૃહ મંત્રી અમિતભાઈ શાહ સાથે પણ ૨૦૦૩ થી ૨૦૦૯ સુધી મહત્વનો કાર્યભાર સંભાળ્યો હતો.

ત્યારબાદ તેમણે રાજ્ય સરકારમાં કાયદા મંત્રી પ્રદીપસિંહ જાડેજા અને પંચાયત મંત્રી જયંતિભાઈ કવાડિયા સાથે પણ પોતાની સેવાઓ આપી હતી. આ ઉપરાંત, તેમણે તત્કાલીન મુખ્યમંત્રી અને વર્તમાન વડાપ્રધાન નરેન્દ્રભાઈ મોદીના કાર્યાલયમાં પણ કાર્યભાર સંભાળીને વહીવટી ક્ષેત્રે ઉત્કૃષ્ટ અનુભવ પ્રાપ્ત કર્યો છે.

સ્વ. વિજયભાઈ રૂપાણી સાથે આજીવન હૃદયસ્થ નાતો:
સ્વ. વિજયભાઈ રૂપાણી જ્યારે ગુજરાત મ્યુનિસિપલ ફાયનાન્સ બોર્ડના અધ્યક્ષ બન્યા અને ત્યારબાદ સરકારમાં મંત્રી તરીકે જોડાયા, ત્યારે શૈલેષ માંડલિયા તેમના અંગત મદદનીશ તરીકે સતત તેમની સાથે રહ્યા હતા. સ્વ. વિજયભાઈ રૂપાણી જ્યારે ગુજરાતના મુખ્યમંત્રી બન્યા, ત્યારે પણ તેમની નિમણૂંક મુખ્યમંત્રીના અંગત મદદનીશ તરીકે જ થઈ હતી અને તેઓ છેલ્લે સુધી તેમની સાથે હૃદયસ્થ રીતે જોડાયેલા રહ્યા છે.

આવતીકાલે તેમના જન્મદિન નિમિત્તે તેમના મોબાઈલ નંબર ૯૮૨૪૦૭૨૦૨૨ અને ૯૯૭૮૪૦૭૧૮૮ ઉપર દેશ-વિદેશથી શુભેચ્છકો તરફથી શુભેચ્છાઓની વર્ષા થઈ રહી છે.