રાજકોટ તા. ૧૫ :..સુરતના સચિન GIDC વિસ્‍તારમાંથી ગુમ થયેલી પાંચ વર્ષની બાળકીને સચિન GIDC પોલીસ અને સુરત ક્રાઈમ બ્રાંચની ટીમે માત્ર ૧૬ કલાકની સતત શોધખોળ બાદ પરિવાર સાથે સુરક્ષિત મિલન કરાવ્‍યું હતું.

ગત તા. ૧૨/૦૫/૨૦૨૬ના રોજ રાત્રે ૮-૩૦ કલાકે પ્‍લોટ નં. ૬૪, રાધે રેસીડન્‍સી, ગોપાલ નગર પાસે રહેતા પિંકુ પુર્ણવાસી ગોડની પાંચ વર્ષની દિકરી મંગળવારી બજારમાંથી ગુમ થઈ હતી. ફરિયાદ મળતાં જ પોલીસ કમિશનરશ્રી અનુપમસિંહ ગેહલોત તથા ક્રાઇમ બ્રાન્‍ચ ડીસીપી ભાવેશ રોજિયાની સૂચના મુજબ ભ્‍ત્‍ કુલદીપસિંહ ગોહિલ દ્વારા ૫ અલગ ટીમો બનાવી તાત્‍કાલિક તપાસ હાથ ધરાઈ હતી.

પોલીસે સામાજિક આગેવાનો, વેપારીઓ અને વોટ્‍સએપ ગ્રુપમાં બાળકીના ફોટોગ્રાફસ મોકલી સઘન શોધખોળ શરૂ કરી હતી. ક્રાઇમ બ્રાન્‍ચ ડીસીપી ભાવેશ રોજિયા ટીમની મદદથી ૨૫૦થી વધુ CCTV કેમેરાના ફૂટેજ ચકાસ્‍યા અને ૪૦૦થી વધુ લોકોની પૂછપરછ કરાઈ હતી.

૧૬ કલાકની જહેમત બાદ પોલીસ ટીમે ગભેણી રોડ પર આવેલી મનોજ પ્રતાપસિંગ શાળા પાસેથી બાળકીને સુરક્ષિત શોધી કાઢી હતી.

આ કામગીરીમાં ASI રામશરણ દયાનંદ, ASI નાનસીંગ વાલસીંગ, ASI ભરતકુમાર અમળતલાલ અને APC મયુરદાન અમીરદાનની મહત્‍વની ભૂમિકા રહી હતી. માસૂમ બાળકીને પરત મેળવતા માતા-પિતાએ આનંદના આંસુ સાથે સુરત પોલીસનો આભાર વ્‍યક્‍ત કર્યો હતો.