વડોદરા જિલ્લાના સાવલી તાલુકાના લાછનપુરા ગામમાં યોજાયેલી ગ્રામસભા દરમિયાન વિવિધ સ્થાનિક પ્રશ્નોને લઈને ભારે હોબાળો થયો છે. ગંદકી, દબાણ અને મનરેગાના કામોમાં કથિત ગેરરીતિ સહિતના મુદ્દાઓને લઈને ગ્રામજનોએ પંચાયત તંત્ર સામે સવાલો ઉઠાવ્યા છે. સભા દરમિયાન ગ્રામજનો અને પંચાયતના પ્રતિનિધિઓ વચ્ચે ગરમા-ગરમી સર્જાતા વાતાવરણ તંગ બન્યું છે.

આજે લાછનપુરા ગ્રામ પંચાયતની ગ્રામસભામાં ગામમાં જોવા મળતી ગંદકી અને દબાણના પ્રશ્નોને લઈને ગ્રામજનોએ રજૂઆત કરી છે.  ગ્રામજનોનો આક્ષેપ છે કે સ્થાનિક સ્તરે કેટલાક મહત્વના પ્રશ્નોનું યોગ્ય નિરાકરણ લાવવામાં આવી રહ્યું નથી. આ મુદ્દે ગ્રામસભામાં જ જવાબદારી નક્કી કરવાની માગ સાથે ગ્રામજનોએ ઉગ્ર વિરોધ નોંધાવ્યો છે.

ગ્રામસભા દરમિયાન મનરેગા અંતર્ગત કરવામાં આવેલા કામોને લઈને પણ સવાલો ઉઠ્યા છે. ગ્રામજનોએ કામોની કામગીરી અને તેની પ્રક્રિયા અંગે પંચાયત તંત્ર પાસેથી જવાબ માગ્યા છે. મનરેગાના કામોમાં ગેરરીતિ થઈ હોવાના આક્ષેપો કરવામાં આવતા સભાનું વાતાવરણ વધુ ગરમાયું હતું.

વિવિધ મુદ્દાઓને લઈને ગ્રામજનોએ લાછનપુરા ગ્રામ પંચાયતના સરપંચ અને તલાટી સામે પણ ઉગ્ર વિરોધ થઈ રહ્યો છે. ગ્રામસભામાં રજૂ થયેલા સવાલો અને આક્ષેપોને લઈને બંને પક્ષો વચ્ચે ગરમા-ગરમી જોવા મળી છે. ગ્રામજનોએ પોતાના પ્રશ્નોના સ્પષ્ટ જવાબ અને યોગ્ય કાર્યવાહી કરવાની માગ કરી છે.

હોબાળા વચ્ચે તલાટી વચ્ચેથી જ ગ્રામસભા છોડીને જતા રહ્યા હોવાનો ગ્રામજનોએ આક્ષેપ થયા છે. આ ઘટનાને લઈને પણ સભામાં વધુ ચર્ચા અને વિરોધ જોવા મળ્યો છે. ગ્રામજનો દ્વારા ઉઠાવવામાં આવેલા પ્રશ્નોના જવાબ અને પંચાયતની કામગીરી અંગે સ્પષ્ટતા માગવામાં આવી છે.

લાછનપુરાની ગ્રામસભામાં ગંદકી, દબાણ, મનરેગાના કામો અને પંચાયતની કામગીરી જેવા સ્થાનિક મુદ્દાઓ કેન્દ્રસ્થાને રહ્યા હતા. ગ્રામજનોએ રજૂ કરેલા આક્ષેપોની સત્તાવાર તપાસ અથવા જવાબદારી અંગેની માહિતી હજુ સામે આવી નથી. જોકે, ગ્રામસભામાં થયેલા ભારે હોબાળાને કારણે સ્થાનિક સ્તરે પંચાયતની કામગીરી અંગે ચર્ચા શરૂ થઈ છે.