ગુજરાત ATS દ્વારા મહેસાણાની કડી કોર્ટમાં પ્રતિબંધિત આતંકી સંગઠન 'જૈશ-એ-મોહમ્મદ' ના ઝડપાયેલા 8 આતંકવાદીઓને રજૂ કરવામાં આવ્યા હતા. સુનાવણી દરમિયાન એટીએસ દ્વારા આતંકીઓના વધુ 10 દિવસના રિમાન્ડની માંગણી કરવામાં આવી હતી, જેની સામે કોર્ટે 7 દિવસના રિમાન્ડ મંજૂર કર્યા છે. દેશ વિરોધી પ્રવૃત્તિઓ સાથે જોડાયેલા આ આતંકીઓનું નેટવર્ક ક્યાં સુધી ફેલાયેલું છે અને તેમાં અન્ય કોણ સામેલ છે, તેની ઊંડાણપૂર્વક અને ઝીણવટભરી તપાસ કરવા માટે કોર્ટે પોલીસને આ રિમાન્ડ આપ્યા છે.