દિયોદરના લુદ્રા ગામે પ્રેમ લગ્ન કરનાર એક યુગલ પર હુમલો અને યુવતીના અપહરણની ચોંકાવનારી ઘટના સામે આવી છે. પ્રાપ્ત માહિતી અનુસાર, કોર્ટ મેરેજ કરનાર આ પ્રેમી યુગલ પર યુવતીના પિતા અને કાકા સહિત કુલ ૧૩ લોકોના ટોળાએ ઘાતક હુમલો કર્યો હતો. લગ્નથી નારાજ થઈને આવેલા આ લોકોએ યુવકને માર મારીને યુવતીનું અપહરણ કરી લીધું હોવાનો આક્ષેપ કરવામાં આવ્યો છે. એટલું જ નહીં, આરોપીઓ દ્વારા પ્રેમ લગ્નનો વિરોધ કરી યુવકના ઘરે તોડફોડ કરવામાં આવી હોવાનું પણ સામે આવ્યું છે. આ સમગ્ર મામલે યુવકે દિયોદર પોલીસ મથકે ફરિયાદ નોંધાવતા પોલીસે કાયદેસરની તપાસ હાથ ધરી છે.