​ગાંધીનગર:આમ આદમી પાર્ટીના ધારાસભ્ય ગોપાલ ઇટાલિયા દ્વારા પોલીસ અધિકારીઓ અને જવાનો વિરુદ્ધ કરવામાં આવેલી કથિત અપમાનજનક ટિપ્પણીઓને લઈને રાજ્યમાં નવો વળાંક આવ્યો છે. ગુજરાત આઇપીએસ (IPS) એસોસિએશને આ નિવેદન સામે સખત વાંધો ઉઠાવી મેદાને પડ્યું છે. એસોસિએશન દ્વારા રાજ્ય ચૂંટણી પંચને લેખિતમાં રજૂઆત કરવામાં આવી છે કે ધારાસભ્યના આ પ્રકારના વર્તનથી પોલીસ દળના મનોબળ પર નકારાત્મક અસર પડે છે.

​રાજકીય ગરમાવો:
પોલીસ અધિકારીઓએ માંગ કરી છે કે પોલીસ જવાનો વિરુદ્ધ અયોગ્ય ભાષાનો પ્રયોગ કરનાર ધારાસભ્ય સામે કાયદાના દાયરામાં રહીને તાત્કાલિક કડક પગલાં ભરવામાં આવે. આ મામલો સામે આવ્યા બાદ રાજ્યના રાજકારણમાં ભારે ચર્ચા જાગી છે. એક તરફ પોલીસ દળમાં આક્રોશ જોવા મળી રહ્યો છે, તો બીજી તરફ વિપક્ષી નેતાના આ નિવેદનથી રાજકીય ગરમાવો વધી ગયો છે.