બનાસકાંઠા જિલ્લા કોંગ્રેસનું સંગઠન માળખું રદ થયા બાદ આંતરિક વિવાદ વકર્યો છે. આ વચ્ચે બનાસકાંઠા યુથ કોંગ્રેસ પ્રમુખ રોહિત પારેગીએ નારાજગી વ્યક્ત કરી રાજીનામું આપી દીધું છે. જિલ્લા કોંગ્રેસના હોદ્દેદારોની યાદી રદ કરવાના નિર્ણય સામે તેમણે નારાજગી દર્શાવી છે. રાજીનામાના પત્રમાં ગેનીબેન ઠાકોર અને ગુલાબસિંહ રાજપૂતના અપમાન તેમજ વરિષ્ઠ નેતાઓનું સન્માન જળવાયું ન હોવાનો ઉલ્લેખ કર્યો છે. કાર્યકરોની લાગણી દુભાઈ હોવાનો પણ તેમણે પત્રમાં ઉલ્લેખ કરી, આત્મસન્માનને ધ્યાનમાં રાખીને પદ પર રહેવું યોગ્ય ન લાગતાં રાજીનામું આપ્યું હોવાનું જણાવ્યું છે. રોહિત પારેગીના રાજીનામાથી બનાસકાંઠા કોંગ્રેસના રાજકારણમાં વધુ ગરમાવો આવ્યો છે.