વલસાડ: અહીં આવેલ ભારે પૂર બાદ હવે જાણીતો તીથલનો દરિયાકિનારો ભારે ચર્ચાના કેન્દ્રમાં આવ્યો છે. પૂરના ધસમસતા પાણી સાથે દમણ તરફથી સેંકડો ટન કચરો લાકડાં અને સૌથી આશ્ચર્યજનક રીતે ખૂબ જ મોટી સંખ્યામાં દારૂની બોટલો તણાઈ આવી હતી. કિનારે દારૂની બોટલો આવી છે તેવી વાત સમગ્ર પંથકમાં વાયુવેગે ફેલાતા જ ખૂબ મોટી સંખ્યામાં લોકો આ બોટલો શોધવા માટે કિનારે ઉમટી પડ્યા હતા. આ પડાપડીમાં કેટલાક નસીબદાર લોકોને એકથી વધુ બોટલો પણ હાથ લાગી ગઈ હતી. સ્થાનિક સૂત્રોના જણાવ્યા અનુસાર આ તમામ બોટલો દમણના બારમાંથી પૂરના પાણીમાં તણાઈને અહીં આવી હોવાની પૂરી શક્યતા છે. આ ઘટનાએ સ્થાનિક વહીવટીતંત્ર અને પોલીસ માટે પણ એક નવો જ પડકાર ઊભો કરી દીધો છે.