અમદાવાદ : પોતાના સપનાનું ઘર ખરીદવું એ દરેક વ્યક્તિની ઈચ્છા હોય છે. મોંઘવારી અને રિયલ એસ્ટેટના વધતા જતા ભાવ વચ્ચે મોટાભાગના લોકો હોમ લોન (Home Loan) ની મદદમાતા-પિતાના માથેથી હોમ લોનનું ભારણ હળવું થશે: હવે સંતાનો પોતાના નામે ટ્રાન્સફર કરી શકશે હોમ લોન, જાણો બેંકના ખાસ નિયમો અને સરળ પ્રક્રિયા

પ્રોપર્ટી અને લોનની જવાબદારી બાળકોના નામે શિફ્ટ કરતા પહેલાં ક્રેડિટ સ્કોરથી લઈને સ્ટેમ્પ ડ્યૂટી સુધીની આ મહત્વની બાબતો જાણી લેવી જરૂરી

અમદાવાદ, તા.૦૪: પોતાનું ડ્રીમ હોમ ખરીદવું એ દરેક વ્યક્તિનું સપનું હોય છે. પરંતુ આજના સમયમાં રિયલ એસ્ટેટના ઝડપથી વધતા ભાવ અને મોંઘવારીના કારણે મોટાભાગના લોકો બેંક હોમ લોનનો સહારા લઈને જ મકાન ખરીદતા હોય છે. ઘણીવાર એવું બને છે કે માતા-પિતાએ લોન લીધી હોય પરંતુ વધતી ઉંમર કે નિવૃત્તિના કારણે EMI ભરવાનું મુશ્કેલ બને છે. આવી સ્થિતિમાં એક મોટો પ્રશ્ન સામે આવે છે કે શું માતા-પિતાના નામે ચાલી રહેલી આ હોમ લોન બાળકો પોતાના નામે ટ્રાન્સફર કરાવી શકે? જવાબ છે હા, ચોક્કસ કરાવી શકાય છે.

નાણાકીય નિષ્ણાતો અને બેંકિંગ નિયમો અનુસાર, કેટલીક શરતોને આધીન માતા-પિતાની હોમ લોન સંતાનોના નામે શિફ્ટ કરી શકાય છે. પરંતુ આ માટે બેંક કે ધિરાણ આપનાર સંસ્થાની મંજૂરી મેળવવી સૌથી પહેલું અને મહત્વનું પગલું છે.

માત્ર ઊંચો પગાર કાફી નથી, ક્રેડિટ સ્કોર પણ જોવાશે
બેંક હોમ લોન ટ્રાન્સફર કરવાની મંજૂરી આપતા પહેલાં બાળક કે સંતાનની નાણાકીય ક્ષમતાની ઝીણવટભરી તપાસ કરે છે. માત્ર વધારે પગાર હોવા માત્રથી લોન ટ્રાન્સફર નથી થઈ જતી. બેંક નીચે મુજબની બાબતો ખાસ ચકાસે છે:

•    આવક અને સ્થિરતા: સંતાનની માસિક આવક સ્થિર છે કે નહીં અને તે બાકીના EMI સરળતાથી ભરી શકશે કે નહીં.

•    સિબિલ સ્કોર (CIBIL Score): બાળકનો ક્રેડિટ રેકોર્ડ અને નાણાકીય શિસ્ત ઉત્તમ હોવી જરૂરી છે.

•    જૂનો ટ્રેક રેકોર્ડ: જૂની લોનના હપ્તા સમયસર ભરાયા છે કે નહીં તેની ચકાસણી.

•    બાકી મુદત અને રકમ: લોનની કેટલી રકમ બાકી છે અને કેટલા વર્ષ સુધી EMI ભરવાના બાકી છે તે ધ્યાનમાં લેવાય છે.

સહ-અરજદાર (Co-Borrower) બનવાનો શ્રેષ્ઠ વિકલ્પ
જો સીધી લોન ટ્રાન્સફર કરવામાં ટેકનિકલ અડચણ આવતી હોય, તો એક બીજો પણ સરળ રસ્તો છે. શરૂઆતમાં માતા-પિતાની હોમ લોનમાં બાળકને 'કો-બોરોઅર' (સહ-અરજદાર) તરીકે ઉમેરી શકાય છે. સમય જતાં, જ્યારે બાળક નાણાકીય રીતે પૂર્ણપણે સ્થિર થઈ જાય, ત્યારે લોનની તમામ જવાબદારી તેના એકલાના નામે ટ્રાન્સફર કરી શકાય છે.

માલિકી હક્ક અને વધારાના ખર્ચ ધ્યાને રાખવા
અહીં એ વાત ખાસ નોંધવી જોઈએ કે માત્ર લોન ટ્રાન્સફર કરવાથી પ્રોપર્ટીનો માલિકી હક્ક આપોઆપ બાળકને નથી મળતો. જો મકાનની માલિકી પણ બાળકના નામે કરવી હોય, તો તેના માટે ગિફ્ટ ડીડ (Gift Deed) અથવા સેલ ડીડ દ્વારા પ્રોપર્ટી ટ્રાન્સફરની અલગ કાનૂની પ્રક્રિયા કરવી પડે છે. આ પ્રક્રિયા દરમિયાન રજિસ્ટ્રેશન ફી અને સ્ટેમ્પ ડ્યૂટી જેવા વધારાના ખર્ચ પણ થાય છે. તેથી બેંકમાં જતાં પહેલાં લોન અને પ્રોપર્ટી સંબંધિત તમામ દસ્તાવેજો ચકાસી લેવા હિતાવહ છે.