ડોદરાના ગોરવામાં પુત્રવધુ પર એસિડ એટેક કર્યાના આક્ષેપથી ચકચાર મચી છે. પુત્રવધુએ સાસુ, પતિ અને નણંદ સામે પોલીસ ફરિયાદ નોંધાવી છે. પોલીસ ફરિયાદ મુજબ એલર્જીની સમસ્યા હોવાથી મહિલાએ બાથરૂમ સાફ કર્યું ન હતું. જેને લઈને ઉશ્કેરાયેલી સાસુએ વહુ પર એસિડ ફેંકતા તેના ગરદનના ભાગે ઇજા થઈ હતી. મહિલાએ પતિ અને સાસરિયાઓ પર દહેજને લઈને શારીરિક ત્રાસ આપવાનો પણ આરોપ લગાવ્યો છે. ગોરવા પોલીસે ફરિયાદના આધારે પતિ પિયુષ દુધરેજીયાની ધરપકડ કરી જેલહવાલે કર્યો છે. જ્યારે એસિડ ફેંકનાર સાસુની ધરપકડ કરવા પોલીસે તજવીજ હાથ ધરી છે. તપાસ બાદ અન્ય સાસરિયાઓ સામે પણ કાર્યવાહી કરવામાં આવશે.