અમદાવાદના રિયલ એસ્ટેટ પર બ્રેકઃ કાચો માલ મોંઘો મજૂરો ગાયબઃ બિલ્ડરો ચિંતામાં
રિયલ એસ્ટેટ ક્ષેત્ર હાલમાં ગંભીર પડકારોનો સામનો કરી રહ્યું છેઃ બાંધકામ માટેની મુખ્ય સામગ્રીની અછત, વધતા ખર્ચ અને મજૂરોની તંગીના કારણે પ્રોજેક્ટ્સના સમયગાળા તથા આયોજનમાં વિલંબ
અમદાવાદ,તા.૧૮: શહેરમાં રિયલ એસ્ટેટ ક્ષેત્ર હાલતમાં ગંભીર પડકારોનો સામનો કરી રહ્યું છે. બાંધકામ માટેની મુખ્ય સામગ્રીની અછત, વધતા ખર્ચ અને મજૂરોની તંગીના કારણે પ્રોજેક્ટ્સના સમયગાળા તથા આયોજનમાં વિલંબ થઈ રહ્યો હોવાનું સૂત્રોએ જણાવ્યું હતું.
કોન્ફેડરેશન ઓફ રિયલ એસ્ટેટ ડેવલપર્સ એસોસિએશન ઓફ ઈન્ડિયા, અમદાવાદના નેજા હેઠળ બિલ્ડરોની એક બેઠક મળી હતી, જેમાં વર્તમાન પરિસ્થિતિ અને તેની ચાલુ તથા આગામી પ્રોજેક્ટ્સ પર થતી અસરોની સમીક્ષા કરવામાં આવી હતી. બેઠકમાં સહભાગીઓએ એલ્યુમિનિયમ પાઈપો, CPVC પ્રોડક્ટ્સ, સિરામિક્સ અને ઈલેક્ટ્રિકલ ફિટિગ જેવી આવશ્યક ચીજવસ્તુઓની ભારે અછત અંગે ચિતા વ્યક્ત કરી હતી, જેના કારણે બાંધકામ પ્રવૃત્તિઓને મોટો ફટકો પડ્યો છે.
ડેવલપર્સે જણાવ્યું હતું કે સપ્લાયરો નિﾍતિ ભાવે માલ આપવા તૈયાર નથી, જેના કારણે ખર્ચના અંદાજમાં અનિﾍતિતા ઊભી થઈ છે. આ કારણોસર બિલ્ડરો માટે બજેટ બનાવવું, ટેન્ડર બહાર પાડવા અને ગ્રાહકોને સમયસર પઝેશન આપવું મુશ્કેલ બની રહ્યું છે. બાંધકામ ક્ષેત્ર મજૂરોની અછતનો પણ સામનો કરી રહ્યું છે, જેનાથી કામની ગતિ ધીમી પડી છે. ઉદ્યોગના અગ્રણીઓએ જણાવ્યું હતું કે પુરવઠામાં વિક્ષેપ અને શ્રમિકોની તંગીના બેવડા પડકારને લીધે પ્રોજેક્ટના સમયગાળા અને પ્રોફિટ માર્જિન પર દબાણ વધી રહ્યું છે.
એક અગ્રણી ડેવલપરે જણાવ્યું હતું કે, અત્યારે આ ક્ષેત્ર ત્રણ મુખ્ય પડકારોનો સામનો કરી રહ્યું છે કાચા માલની અછત, સપ્લાયરો પાસેથી ભાવની અચોક્કસતા અને મજૂરોની અછત. આ ઉપરાંત, યુદ્ધ સંબંધિત અનિﾍતિતાએ બજારના સેન્ટિમેન્ટને નબળું પાડ્યું છે અને વેચાણને અસર કરી છે.
સૂત્રોના જણાવ્યા અનુસાર, ડેવલપર્સ હવે આ કટોકટીનો સામનો કરવા માટે સામૂહિક પ્રયાસો કરવાનું વિચારી રહ્યા છે, જેમાં એસોસિએશન દ્વારા સામગ્રી અને મજૂરો માટે વૈકલ્પિક સપ્લાયરોની શોધ કરવાનો પણ સમાવેશ થાય છે. ઉદ્યોગના સભ્યો માને છે કે આવા સંકલિત પગલાંથી આગામી મહિનાઓમાં બાંધકામ પ્રવૃત્તિમાં સ્થિરતા આવી શકે છે.
(10:00 AM IST)
છેલ્લા 8 દિવસમાં સૌથી લોકપ્રિય 
