ખેડા જિલ્લાના વિકાસને વેગ આપવા માટે કેન્દ્ર સરકાર દ્વારા એક મહત્વપૂર્ણ નિર્ણય લેવામાં આવ્યો છે. મહેમદાવાદથી મહુધાને જોડતો એક નવો બાયપાસ ઓવરબ્રિજ બનાવવામાં આવશે, જેના માટે રૂપિયા 400 કરોડની માતબર રકમ મંજૂર કરવામાં આવી છે. આ પ્રોજેક્ટ અમદાવાદ-ડાકોર રોડ પર તૈયાર થશે, જેના કારણે સ્થાનિક મુસાફરો અને વાહનચાલકોને ટ્રાફિકની સમસ્યામાંથી મોટી રાહત મળશે. સાંસદ દેવુસિંહ ચૌહાણ દ્વારા આ માહિતી એક ખાસ પ્રેસ કોન્ફરન્સમાં આપવામાં આવી હતી.