બનાસકાંઠાની બનાસ મેડિકલ હોસ્પિટલમાં ચાંદીપુરા વાયરસની સારવાર લઈ રહેલી બે વર્ષની બાળકી કીર્તિ ડુંગાસીયાનું મોત નીપજ્યું છે. આબુરોડના સીયાવા ગામની આ બાળકીને તાવ, ઊલટી, ખેંચ અને બેભાન જેવી ગંભીર સ્થિતિમાં પાલનપુર સારવાર અર્થે ખસેડવામાં આવી હતી.

સારવાર દરમિયાન બાળકીએ દમ તોડતાં પંથકમાં ચકચાર મચી ગઈ છે. આ ઘટનાને પગલે બનાસકાંઠાનું આરોગ્ય તંત્ર હરકતમાં આવ્યું છે. વાયરસના સંક્રમણને રોકવા અને રોગચાળો નિયંત્રણમાં રાખવા માટે જિલ્લાભરમાં આરોગ્ય વિભાગની 469 ટીમો દ્વારા સઘન તપાસ કામગીરી શરૂ કરવામાં આવી છે.