વાવ-થરાદના દિયોદરમાં ભમરાના ઝુંડે આતંક મચાવતા લોકોમાં અફરાતફરી સર્જાઈ હતી. મામલતદાર કચેરી અને ઠાકોર બોર્ડિંગ પાસેના મુખ્ય માર્ગ પર ભમરાના ઝુંડે રાહદારીઓને બાનમાં લીધા હતા. આ ઘટનામાં બાળકો સહિત 15થી વધુ લોકોને ભમરા કરડતાં દોડધામ મચી હતી. ભમરાના હુમલામાં ઈજાગ્રસ્ત થયેલા લોકોને તાત્કાલિક સારવાર અર્થે હોસ્પિટલ ખસેડવામાં આવ્યા હતા. ભરચક માર્ગ પર બનેલી આ ઘટનાને પગલે સ્થાનિકોમાં ભયનો માહોલ જોવા મળ્યો હતો.