ગાંધીનગરના સર્વાંગી વિકાસમાં વધુ એક મહત્વપૂર્ણ પ્રોજેક્ટનો ઉમેરો થયો છે, જે અંતર્ગત શહેરના વ્યસ્ત એવા 'ચ' રોડને હવે સ્માર્ટ રોડ અને મોડલ રોડ તરીકે વિકસાવવામાં આવશે. રાજ્ય સરકાર દ્વારા આ મહત્વકાંક્ષી પ્રોજેક્ટ માટે 49 કરોડ 59 લાખના માતબર બજેટને સત્તાવાર મંજૂરી આપી દેવામાં આવી છે. ઉલ્લેખનીય છે કે, ગાંધીનગર ઉત્તરના ધારાસભ્ય રીટાબેન પટેલ દ્વારા આ અંગે લાંબા સમયથી રજૂઆત અને માંગ કરવામાં આવી રહી હતી, જેનો સ્વીકાર કરીને સરકારે પાટનગરને આ આધુનિક ઈન્ફ્રાસ્ટ્રક્ચરની ભેટ આપી છે.