સુરત રેલવે સ્ટેશન પર મુસાફરોના આરોગ્ય સાથે ચેડાં થતો હોવાનો ચોંકાવનારો મામલો સામે આવ્યો છે. ટી સ્ટોલ પર રાખવામાં આવેલા પફ પર ઉંદર ફરતો હોવાનો વીડિયો સોશિયલ મીડિયામાં વાયરલ થયા બાદ ફૂડ વિભાગ હરકતમાં આવ્યું હતું. મામલાની ગંભીરતાને ધ્યાનમાં લઈને તાત્કાલિક કાર્યવાહી કરી સંબંધિત ટી સ્ટોલને સીલ કરવામાં આવ્યો છે. રેલવે સ્ટેશન પર મુસાફરોને વેચાતા ખાદ્યપદાર્થોની સ્વચ્છતા અને ગુણવત્તા અંગે બેદરકારી સામે આવતા ફૂડ વિભાગે કાર્યવાહી કરી છે. મુસાફરોના આરોગ્ય સાથે ચેડાં ન થાય અને ખાદ્યપદાર્થોની સ્વચ્છતા જળવાઈ રહે તે માટે તંત્ર દ્વારા કડક પગલાં લેવામાં આવ્યા છે.