આણંદ શહેરના રાજોડપુરા વિસ્તારમાં ભૂગર્ભ ગટર, તળાવડીના ઓવરફ્લો થવાની વિકટ સમસ્યા અને રોડ પર અકસ્માતના સતત રહેતા જોખમ સામે સ્થાનિકોમાં ભારે રોષ વ્યાપી ગયો છે. આ તમામ પ્રાથમિક સમસ્યાઓના કાયમી અને નક્કર નિરાકરણની માગ સાથે આજે રાજોડપુરા વિસ્તારની વિવિધ સોસાયટીઓના રહીશો એકત્રિત થયા હતા. તંત્ર દ્વારા યોગ્ય સુનાવણી ન થતાં આખરે સ્થાનિકોએ અનોખો વિરોધ નોંધાવી વડાપ્રધાન નરેન્દ્ર મોદીને 1,000 જેટલા પોસ્ટકાર્ડ લખીને પોતાની હાલાકી દૂર કરવા આજીજી કરી છે.