રાજકોટ તા.૨૩ :  વિરમગામના ભાજપના ધારાસભ્ય હાર્દિક પટેલે પવિત્ર યાત્રાધામ અંબાજી ખાતે શ્રી અંબે માતાજીના પાવન મંદિરે ભવ્ય ધ્વજારોહણ કર્યું, આ પ્રસંગે ભાજપના હોદ્દેદારો અને કાર્યકર્તાઓ હાજરી આપી હતી.

ધારાસભ્ય હાર્દિક પટેલે માઁ અંબાની પૂજા-અર્ચના કરી અને માતાજીના ચરણોમાં શીશ ઝુકાવી આશીર્વાદ પ્રાપ્ત કર્યા હતા.

સાથે જ વિરમગામ વિધાનસભા વિસ્તારના તમામ ભાઈઓ-બહેનોના સુખ, શાંતિ, સમૃદ્ધિ અને નિરોગી જીવન માટે પ્રાર્થના કરી હતી.

માઁ અંબાના આશીર્વાદથી સૌના જીવનમાં સુખ-સમૃદ્ધિ આવે અને આપણો વિરમગામ વિસ્તાર વિકાસની નવી ઊંચાઈઓ પ્રાપ્ત કરે તેવી હૃદયપૂર્વક પ્રાર્થના ધારાસભ્ય હાર્દિક પટેલે કરી હતી.