સુરતના નાના વરાછા વિસ્તારમાં આવેલા ચીકુવાડી પાસે એક ખાનગી બસમાં અચાનક આગ લાગવાની ઘટના સામે આવી છે. બસમાં ગણતરીની મિનિટોમાં આગ પ્રસરતાં અફરાતફરી મચી ગઈ હતી અને રસ્તા પર ટ્રાફિકજામના દ્રશ્યો સર્જાયા હતા. જોકે, આસપાસના સ્થાનિક દુકાનદારોએ સમયસૂચકતા દાખવીને તાત્કાલિક પાણી અને આગ બુઝાવવાના સાધનો વડે આગ પર કાબૂ મેળવી લીધો હતો. સદનસીબે આ ઘટનામાં કોઈ જાનહાનિ ન થતાં તંત્ર અને પ્રસાશને રાહતનો શ્વાસ લીધો છે.