વાવ-થરાદ વિસ્તારમાં આવેલા આકોલી ગામમાં પીવાના પાણીની ગંભીર સમસ્યાને લઈને ગ્રામજનોમાં ભારે રોષ જોવા મળી રહ્યો છે. છેલ્લા ઘણા સમયથી પાણી માટે વલખાં મારી રહેલી મહિલાઓએ આખરે રસ્તા પર ઉતરીને માટલા ફોડી ઉગ્ર વિરોધ પ્રદર્શન કર્યું હતું. 

 ગ્રામજનોના જણાવ્યા અનુસાર, ગામના દલિતવાસ અને ઠાકોરવાસમાં પાણીની ભારે અછત છે, તેમજ આંગણવાડીના બાળકો અને ગાયો જેવા મૂંગા પશુઓ પણ તરસ્યા રહેવા મજબૂર બન્યા છે. આ અંગે પાણી પુરવઠા વિભાગ અને સરપંચને વારંવાર રજૂઆત કરવા છતાં તંત્ર દ્વારા કોઈ યોગ્ય નિકાલ ન આવતા લોકોમાં ભારે આક્રોશ છે.