વલસાડ તાલુકાના દરિયાકાંઠા અને નદીકાંઠાના વિસ્તારોમાં ચોમાસા દરમિયાન થતા ધોવાણથી ગ્રામજનોને સુરક્ષા આપવા રાજ્ય સરકારે રૂ.1.01 કરોડથી વધુની ગ્રાન્ટ મંજૂર કરી છે. લાંબા સમયથી ધોવાણની સમસ્યાનો સામનો કરી રહેલા પાંચ ગામોમાં પ્રોટેક્શન વોલના નિર્માણ માટેની આ ગ્રાન્ટ ફાળવવામાં આવી છે.
ધારાસભ્ય Bharat Patel દ્વારા મુખ્યમંત્રી તથા સંબંધિત વિભાગો સમક્ષ કરાયેલી રજૂઆતોના અનુસંધાને રાજ્ય સરકારે આ વિકાસકાર્યોને મંજૂરી આપી છે. ત્યારબાદ નવ નિયુક્ત તાલુકા પંચાયત પ્રમુખ Kishor Patel સાથે વિવિધ ગામોમાં પ્રોટેક્શન વોલના કામોનું ખાતમુહૂર્ત કરવામાં આવ્યું હતું.
ચોમાસા દરમિયાન દરિયાઈ અને નદીકાંઠાના ધોવાણને કારણે ગ્રામજનોમાં ભય અને અસુરક્ષાની લાગણી જોવા મળતી હતી. પ્રોટેક્શન વોલના નિર્માણથી જમીન ધોવાણ અટકાવવા અને રહેણાંક વિસ્તારો તેમજ ખેતીની જમીનને સુરક્ષા પૂરી પાડવામાં મદદ મળશે તેવી આશા વ્યક્ત કરવામાં આવી રહી છે.
આ ઉપરાંત પારનેરા પારડી સ્થિત શ્રી ચંદ્રમૌલિશ્વર મહાદેવ મંદિર સંકુલમાં વોટર હાર્વેસ્ટિંગ માટે રૂ.5 લાખની ગ્રાન્ટ પણ મંજૂર કરવામાં આવી હોવાનું જણાવાયું છે.
ગામવાર મંજૂર થયેલી ગ્રાન્ટ
ગામ ગ્રાન્ટ (રૂ. લાખમાં)
નનકવાડા (રાધાકૃષ્ણ મંદિર પાસે) 16.49
ભગોદ 33.00
ધમડાચી 12.00
ઘડોઈ (નદી કાંઠા) 16.92
છરવાડા 17.92
કુલ ગ્રાન્ટ 101.33
ખાતમુહૂર્ત કાર્યક્રમમાં જિલ્લા અને તાલુકા પંચાયતના સભ્યો, સ્થાનિક સરપંચો, ભાજપના હોદ્દેદારો તેમજ ગ્રામજનો મોટી સંખ્યામાં ઉપસ્થિત રહ્યા હતા.
સ્થાનિક લોકોના મતે, વર્ષોથી ધોવાણની સમસ્યાથી પીડાતા વિસ્તારોમાં પ્રોટેક્શન વોલનું નિર્માણ પૂર્ણ થયા બાદ ચોમાસા દરમિયાન થતા નુકસાનમાં નોંધપાત્ર ઘટાડો થશે અને ગામોની સુરક્ષા વધુ મજબૂત બનશે