વડોદરા: શહેરના વોર્ડ નં.13માં પાણીની સમસ્યાથી લોકોમાં ભારે રોષ ફેલાયો છે.  પૂરતા પ્રેશરથી પાણી ન મળતું હોવાનો સ્થાનિકોનો આક્ષેપ છે.  એક સ્થાનિકના જણાવ્યા અનુસાર ગોદડીયાવાસમાં વર્ષોથી પીવાના પાણીની સમસ્યા છે. પૂરતું પ્રેશરથી પાણી ન મળતા લોકોએ મોટર લગાવી છે. ગોદડીયાવાસમાં ગેરકાયદે લગાવેલી મોટર કાઢતા માથાકૂટ થઈ હતી. ડેપ્યુટી એન્જિનિયર અને કોર્પોરેટર સાથે લોકોને ઉગ્ર બોલાચાલી  થઈ હતી.  સ્થાનિકોએ ફરિયાદ કરી કે પહેલા પાણીની સમસ્યાનું નિવારણ લાવો પછી મોટર કાઢો. તો આ તરફ કોર્પોરેટરે પલટવાર કર્યો કે પાણીની મોટર કાઢવા દો પછી પૂરતા પ્રેશરથી પાણી મળશે