ડભોઇના રાજકારણમાં મોટા ઉલટફેરના સમાચાર સામે આવ્યા છે. ગત સોમવારે જ કોંગ્રેસ છોડીને કેસરિયો ધારણ કરનારા ત્રણ નેતાઓએ પક્ષપલટાના ટૂંકા ગાળામાં જ ફરી કોંગ્રેસનો હાથ પકડ્યો છે. આ નેતાઓની નારાજગીનું મુખ્ય કારણ સીમડીયા જિલ્લા પંચાયત બેઠક પર અશ્વિન પટેલના પુત્રને ટિકિટ આપવામાં આવતા હોવાનું મનાઈ રહ્યું છે. ટિકિટ વિતરણથી અસંતોષ વ્યક્ત કરી આ નેતાઓ ફરી પોતાના જૂના પક્ષમાં પરત ફર્યા છે. ચૂંટણી ટાણે જ ભાજપમાં જોડાયેલા નેતાઓના આકસ્મિક યુ-ટર્નથી સ્થાનિક રાજકીય વર્તુળોમાં ભારે ચર્ચા જાગી છે.