અમદાવાદમાં ટેકનોલોજીનો દુરુપયોગ કરી વેપારીઓ સાથે છેતરપિંડી આચરતા ઘાટલોડિયાના એક રીઢા ગુનેગારને સરખેજ પોલીસે ઝડપી પાડ્યો છે. રૂષિલ ઉર્ફે રાજ શાહ નામનો આ શખ્સ વેપારીઓ પાસેથી કિંમતી માલની ખરીદી કર્યા બાદ પેમેન્ટના ફેક સ્ક્રીનશોટ બતાવી વિશ્વાસમાં લેતો અને માલ હડપી લેતો હતો. પોલીસની તપાસમાં આરોપી પાસેથી અલગ-અલગ જગ્યાએથી મેળવેલો અંદાજે 10.87 લાખ રૂપિયાથી વધુનો મુદ્દામાલ રિકવર કરવામાં આવ્યો છે. અગાઉ પણ અનેક છેતરપિંડીના ગુનાઓમાં સંડોવાયેલા આ આરોપીની ધરપકડ બાદ પોલીસે તેના દ્વારા કરવામાં આવેલા અન્ય વ્યવહારોની ઊંડી તપાસ શરૂ કરી છે.