મહેસાણા મહાનગરપાલિકાની ચૂંટણીમાં ઉમેદવારોના નામ જાહેર થાય તે પૂર્વે જ રાજકીય ગરમાવો આવ્યો છે. મરતોલી ગામના 100 થી વધુ પાટીદારોએ ભાજપ સાથે છેડો ફાડી કોંગ્રેસનો ખેસ ધારણ કર્યો છે. ટિકિટ વિતરણ અને આંતરિક ખેંચતાણ વચ્ચે કોંગ્રેસના દિગ્ગજ નેતાઓની હાજરીમાં આ પાટીદાર આગેવાનો પક્ષમાં જોડાતા મહેસાણાનું રાજકારણ રસાકસીભર્યું બન્યું છે. પાટીદાર બહુલ વિસ્તારોમાં આ મોટા પક્ષપલટાથી ભાજપના ગઢમાં ગાબડું પડવાની શક્યતા સેવાઈ રહી છે.