અમદાવાદ : શહેરના પશ્ચિમ વિસ્તારમાં દારૂની હેરાફેરી અટકાવવા સતર્ક બનેલી પોલીસે બોપલ ચાર રસ્તા પાસે મોટી સફળતા મેળવી છે. બાતમીના આધારે પોલીસે એક શંકાસ્પદ કારને અટકાવતા તેમાંથી વિદેશી દારૂનો જથ્થો મળી આવ્યો હતો. ચોંકાવનારી વાત એ છે કે, પોલીસને છેતરવા માટે બુટલેગરોએ કાર પર નકલી નંબર પ્લેટ લગાવી હતી. પોલીસે દારૂની બોટલો અને કાર સહિત કુલ રૂ. 4 લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે.