શ્રી બહુચરાજી માતાજી ટેમ્પલ ટ્રસ્ટના વહીવટદારની અખબારી યાદીમાં જણાવ્યા પ્રમાણે આદ્યશકિત શ્રી બહચર માતાજી/બહુચરાજી મંદિર દ્વારા વિક્રમ સંવત 2082 ચૈત્રી નવરાત્રી મહોત્સવ-2026 તથા ચૈત્રી પૂનમનો મેળો –2026નો કાર્યક્રમ જાહેર કરવામાં આવ્યો છે.

આ કાર્યક્રમ મુજબ ચૈત્ર સુદ-છઠ્ઠ, મંગળવાર, તા. 24/03/2026 ના રોજ સવારે-09:30 કલાકે શતચંડી યજ્ઞ પ્રારંભ થશે અને ચૈત્ર સુદ-આઠમ, ગુરુવાર, તા. 26/03/2026ના સાંજે 4:30 કલાકે શતચંડી યજ્ઞ પૂર્ણાહુતી થશે.

ચૈત્ર સુદ-આઠમ, ગુરુવાર, તા. 26/03/2026ના રાત્રે 9:30 કલાકે આઠમની પાલખી નીકળશે. જ્યારે ચૈત્ર સુદ-આઠમ, ગુરુવાર, તા. 26/03/2026ના રાત્રે 12:00 કલાકે આઠમના ખંડ પલ્લી નૈવેધ કરાશે.

આ ઉપરાંત ચૈત્ર સુદ-દશમ, શનિવાર, તા.28/03/2026 સવારે 7:30 કલાકે નવરાત્રી (જવેરા)ઘટ ઉત્થાપન વિધી કરાશે. ચૈત્ર સુદ-પુનમને ગુરુવાર તા. 02/04/2026 ના રોજ રોજ રાત્રે-9:30 કલાકે માતાજીની શાહી સવારી નિજ મંદિરથી નીકળી શંખલપુર મુકામે જશે.

વધુમાં ચૈત્ર સુદ-14 ને બુધવાર, તા. 01/04/2026 ના રોજ સવારે 5:00 કલાકથી તા.02/04/2026ને ગુરુવારના રોજ પુનમની રાત્રે માતાજીની સવારી શંખલપુરથી પરત આવે ત્યાં સુધી દર્શનાર્થીઓ માટે નીજમંદિરના દ્વાર સતત ખુલ્લા રહેશે તેમ જણાવાયું છે.